ۇندىستاننىڭ احمەداباد قالاسىنان لوندونعا بەت العان Air India اۋە كومپانيياسىنىڭ رەيسى اسپاندا ۇزاق ۇشا المادى. 232 جولاۋشى مەن 12 ەكيپاج مۇشەسى وتىرعان AI-171 رەيسى ۇشىپ شىققاننان كوپ ۇزاماي اپاتقا ۇشىرادى. الدىن الا مالىمەتكە سايكەس, ۇشاق مەگحانيناگار اۋدانى ماڭىندا جەرگە قۇلاعان, دەپ حابارلايدى Shalqar.kz.

وقيعا ورنىندا دۇربەلەڭ تۋىنداپ, تۇرعىندار مەن كۋاگەرلەر ۇرەيگە بولەندى. قازىرگى ۋاقىتتا قۇتقارۋشىلار اپات ايماعىندا قارقىندى ىزدەستىرۋ-قۇتقارۋ جۇمىستارىن جۇرگىزىپ جاتىر.

ىشكى ىستەر مينيسترى اميت شاح وقيعاعا دەرەۋ ارالاسىپ, گۋدجارات شتاتىنىڭ باسشىلارىمەن جانە احمەداباد پوليتسيياسىمەن تىكەلەي بايلانىسقا شىقتى. ال ازاماتتىق اۆياتسييا مينيسترى رام موحان نايدۋ جاعدايدى كوزبەن كورىپ, ارەكەتتەردى ۇيلەستىرۋ ۇشىن تىكەلەي وقيعا ورنىنا جول تارتتى.

رەسمي ورگاندار جاقىن ارادا قوسىمشا اقپارات بەرەدى دەپ كۇتىلۋدە. قازىرگى تاڭدا حالىق وقيعانىڭ مان-جايىنا الاڭداۋلى.