بۇگىن ۇندىستاننىڭ احمەداباد قالاسىنداعى اۋەجاي ماڭىندا بولعان جانتۇرشىگەرلىك اپات ەلدى دۇر سىلكىندىردى. Air India اۋەكومپانيياسىنا تيەسىلى جولاۋشىلار ۇشاعى كوككە كوتەرىلگەن سوڭ نەبارى 5 مينۋتتان كەيىن قۇلاعان. ۇشاق تۇرعىن ۇيلەر ورنالاسقان اۋدانعا قۇلاپ, اپات ورنى الاپات ورت پەن حاوسقا اينالدى, دەپ حابارلايدى Shalqar.kz.

India Today جانە News18 دەرەكتەرىنە سۇيەنە وتىرىپ, قازىرگى مالىمەت بويىنشا كەم دەگەندە 133 ادام قازا تاپقان. ۇشاقتا بارلىعى 242 ادام بولعان — ونىڭ ىشىندە 12 ەكيپاج مۇشەسى بار.

جولاۋشىلاردىڭ ازاماتتىعى:
 • 169-ى – ۇندىستان ازاماتى
 • 53-ى – ۇلىبريتانييا
 • 7-ى – پورتۋگالييا
 • 1 – كانادا ازاماتى

قازىر جارالانعاندار جاقىن ماڭداعى اۋرۋحانالارعا جەتكىزىلۋدە. وقيعا ورنىندا جەدەل جاردەم, ورت سوندىرۋشىلەر مەن پوليتسييا ۇزدىكسىز جۇمىس ىستەپ جاتىر.

ۇندىستان پرەمьەر-مينيسترى نارەندرا مودي ەلدىڭ ازاماتتىق اۆياتسييا جانە ىشكى ىستەر مينيسترلەرىنە احمەدابادقا بارىپ, زارداپ شەككەندەرگە بارىنشا كومەك كورسەتۋدى تاپسىرعان.

ال احمەداباد اۋەجايىنىڭ جۇمىسى ۋاقىتشا توقتاتىلدى. وقيعانىڭ ناقتى سەبەبى ازىرگە بەلگىسىز.