قازاقستاندا 16,3 ميلليون ادامنىڭ جەكە دەرەكتەرى ينتەرنەتتە تارالعانى تۋرالى اقپارات قوعامدا ۇلكەن الاڭداۋشىلىق تۋعىزدى. وسىعان بايلانىستى تسيفرلىق دامۋ, يننوۆاتسييالار جانە اەروعارىش ونەركاسىبى مينيسترلىگى رەسمي مالىمدەمە جاسادى, دەپ حابارلايدى Shalqar.kz.

مينيسترلىككە قاراستى اقپاراتتىق قاۋىپسىزدىك كوميتەتى قازىر قۇقىق قورعاۋ جانە ارنايى ورگاندارمەن بىرلەسىپ, تاراپ كەتكەن مالىمەتتەردىڭ ناقتى ارى وزەكتى ەكەندىگىن انىقتاپ جاتىر.

«الدىن الا جۇرگىزىلگەن تالداۋ بۇل دەرەكتەردىڭ مەملەكەتتىك ەمەس, جەكەمەنشىك اقپاراتتىق جۇيەلەردەن الىنعان بولۋى مۇمكىن ەكەنىن كورسەتىپ وتىر. بۇگىنگى تاڭدا مەملەكەتتىك جۇيەلەردەن دەرەكتەردىڭ تارالۋى نەمەسە حاكەرلىك شابۋىل تىركەلگەن جوق», – دەپ حابارلادى مينيسترلىك وكىلدەرى.

ەگەر ادامنىڭ جەكە دەرەكتەرى تاراپ كەتكەن مالىمەتتەر اراسىندا بولسا, وعان ەلەكتروندىق ۇكىمەت پورتالىنداعى جەكە كابينەتى ارقىلى حابارلاما جىبەرىلەدى.

مينيسترلىك بۇعان دەيىن بولعان ۇقساس جاعدايلاردا قىزمەت كورسەتۋ سالاسى مەن ميكروقارجى ۇيىمدارىنىڭ ەسكى بازالارىنان الىنعان دەرەكتەر تارالعانىن ەسكە سالىپ وتىر.

«جاعداي مينيسترلىكتىڭ جىتى باقىلاۋىندا. قوسىمشا اقپارات تەكسەرىس اياقتالعاننان كەيىن جارييالانادى», – دەلىنگەن رەسمي حابارلامادا.