Qazaqstanda 16,3 million adamnıñ jeke derekteri internette taralğanı turalı aqparat qoğamda ülken alañdauşılıq tuğızdı. Osığan baylanıstı Cifrlıq damu, innovaciyalar jäne aeroğarış önerkäsibi ministrligi resmi mälimdeme jasadı, dep habarlaydı Shalqar.kz.

Ministrlikke qarastı Aqparattıq qauipsizdik komiteti qazir qwqıq qorğau jäne arnayı organdarmen birlesip, tarap ketken mälimetterdiñ naqtı äri özekti ekendigin anıqtap jatır.

«Aldın ala jürgizilgen taldau bwl derekterdiñ memlekettik emes, jekemenşik aqparattıq jüyelerden alınğan boluı mümkin ekenin körsetip otır. Bügingi tañda memlekettik jüyelerden derekterdiñ taraluı nemese hakerlik şabuıl tirkelgen joq», – dep habarladı ministrlik ökilderi.

Eger adamnıñ jeke derekteri tarap ketken mälimetter arasında bolsa, oğan elektrondıq ükimet portalındağı jeke kabineti arqılı habarlama jiberiledi.

Ministrlik bwğan deyin bolğan wqsas jağdaylarda qızmet körsetu salası men mikroqarjı wyımdarınıñ eski bazalarınan alınğan derekter taralğanın eske salıp otır.

«Jağday ministrliktiñ jiti baqılauında. Qosımşa aqparat tekseris ayaqtalğannan keyin jariyalanadı», – delingen resmi habarlamada.