قازاق فۋتبولىنىڭ جاس جۇلدىزى, “قايرات” كلۋبىنىڭ ۆينگەرى داستان ساتپاەۆ الەم نازارىن وزىنە اۋداردى. ول 17 جاسقا تولماعان فۋتبولشىلار اراسىنداعى ەڭ قىمبات ۇش ويىنشىنىڭ قاتارىنا ەندى, دەپ حابارلايدى Shalqar.kz.

Transfermarkt سايتى جارييالاعان جاڭا رەيتينگ بويىنشا, ساتپاەۆتىڭ ترانسفەرلىك قۇنى — 1,8 ميلليون ەۋرو. بۇل كورسەتكىش بويىنشا ول الەمدىك رەيتينگتە 3-ورىندا تۇر. داستان — بۇل تىزىمگە ەنگەن جەر جۇزىندەگى جالعىز قازاقستاندىق فۋتبولشى.

جاس تالانتتاردىڭ ۇزدىك ۇشتىگى:
 1. حيلьبەرتو مورا (مەكسيكا, “تيحۋانا”) – 3 ملن ەۋرو
 2. ناتان دە كات (بەلьگييا, “اندەرلەحت”) – 2,5 ملن ەۋرو
 3. داستان ساتپاەۆ (قازاقستان, “قايرات”) – 1,8 ملن ەۋرو

جانكۇيەرلەرگە ەسكە سالا كەتسەك, 2025 جىلدىڭ اقپانىندا “قايرات” داستاننىڭ اعىلشىندىق “چەلسي” كلۋبىنا ساتىلعانىن رەسمي مالىمدەگەن بولاتىن. الايدا ول 18 جاسقا تولعانشا “قايرات” ساپىندا ونەر كورسەتۋدى جالعاستىرادى.

بيىلعى ماۋسىمدا نەبارى 16 جاستاعى ساتپاەۆ پرەمьەر-ليگادا 13 ماتچ وتكىزىپ, 8 گول سوعىپ, 4 ناتيجەلى پاس بەرىپ ۇلگەردى. بۇل كورسەتكىشتەر جاس ويىنشى ۇشىن – ەرەكشە ناتيجە!

بۇعان دەيىن دە ساتپاەۆ قازاقستان پرەمьەر-ليگاسىنىڭ ەڭ قىمبات ويىنشىسى اتانعان بولاتىن. ەندى ول الەم ارەناسىندا دا وز ورنىن دالەلدەپ وتىر.