تاياۋ شىعىستاعى تۇراقسىز احۋالعا بايلانىستى قازاقستان ازاماتتارىن ەلگە قايتارۋ جۇمىستارى جالعاسىپ جاتىر. بۇل جولى 144 قازاقستاندىق يزرايلь مەن يراننان قاۋىپسىز ايماق ارقىلى ەۆاكۋاتسييالاندى, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.

سىرتقى ىستەر مينيسترلىگىنىڭ مالىمەتىنشە, يزرايلьدەن 66 وتانداسىمىز مىسىر اۋماعى ارقىلى شىعارىلعان. ال يراننان 78 ازامات ەلگە جەتكىزىلگەن: ولاردىڭ 73-ى ارمەنييا ارقىلى, 2-ەۋى ازەربايجان ارقىلى, ال قالعان 3-ەۋى تۇرىكمەنستان اۋماعى ارقىلى ەۆاكۋاتسييالانعان.

قازاقستاننىڭ يران مەن يزرايلьدەگى ديپلوماتتارى وتانداستارىمىزعا قاجەتتى كونسۋلدىق جانە قۇقىقتىق قولداۋ كورسەتىپ كەلەدى. مينيسترلىك بۇل ۇدەرىستە قولداۋ تانىتقان يزرايلь, مىسىر, ارمەنييا, يران, ازەربايجان جانە تۇرىكمەنستان بيلىكتەرىنە العىس بىلدىردى.

“بىرلەسكەن كۇش-جىگەردىڭ ارقاسىندا ازاماتتارىمىز قاۋىپسىز تۇردە ۇيلەرىنە ورالۋدا”, – دەلىنگەن رەسمي حابارلامادا.

ەسكە سالايىق, بۇعان دەيىن دە تاياۋ شىعىس شيەلەنىس ايماعىنان 109 قازاقستاندىق ەلگە جەتكىزىلگەن بولاتىن.