Tayau Şığıstağı twraqsız ahualğa baylanıstı Qazaqstan azamattarın elge qaytaru jwmıstarı jalğasıp jatır. Bwl jolı 144 qazaqstandıq Izrail' men Irannan qauipsiz aymaq arqılı evakuaciyalandı, dep habarlaydı Shalqar.kz tilşisi Sırtqı İster ministrligine silteme jasap.

Sırtqı ister ministrliginiñ mälimetinşe, Izrail'den 66 otandasımız Mısır aumağı arqılı şığarılğan. Al Irannan 78 azamat elge jetkizilgen: olardıñ 73-i Armeniya arqılı, 2-eui Äzerbayjan arqılı, al qalğan 3-eui Türikmenstan aumağı arqılı evakuaciyalanğan.

Qazaqstannıñ Iran men Izrail'degi diplomattarı otandastarımızğa qajetti konsuldıq jäne qwqıqtıq qoldau körsetip keledi. Ministrlik bwl üderiste qoldau tanıtqan Izrail', Mısır, Armeniya, Iran, Äzerbayjan jäne Türikmenstan bilikterine alğıs bildirdi.

“Birlesken küş-jigerdiñ arqasında azamattarımız qauipsiz türde üylerine oraluda”, – delingen resmi habarlamada.

Eske salayıq, bwğan deyin de Tayau Şığıs şielenis aymağınan 109 qazaqstandıq elge jetkizilgen bolatın.