Бали аралында өтіп жатқан семсерлесуден Азия чемпионатында Қазақстан құрамасы командалық сында күміс жүлдеге ие болды, деп хабарлайды Shalqar.kz.

Финалдық айқаста отандастарымыз Жапония құрамасымен кездесіп, 45:39 есебімен жеңіліс тапты. Құрамында Эльмир Әлімжанов, Руслан Құрбанов, Вадим Шарлаимов және Ерлік Сертай бар қазақ командасы Азияның вице-чемпионы атанды.

Айта кетейік, Жапония құрамасы — 2024 жылғы Олимпиада финалисі. Ол кезде олар Венгрияға жол берген болатын.

Бұл — Қазақстан қоржынына түскен екінші медаль. Бұған дейін Вадим Шарлаимов жеке сын бойынша қола жүлде жеңіп алған еді.