قازاقستاندا 2026 جىلدان باستاپ ەستۋ قابىلەتى ناشار بالالارعا مەملەكەت ەسەبىنەن ەستۋ اپپاراتتارى مەن اۋديو پروتسەسسورلار تەگىن بەرىلمەك, دەپ حابارلايدى Shalqar.kz دەنساۋلىق ساقتاۋ مينيسترلىگىنە سىلتەمە جاساپ.

مينيسترلىك مالىمەتىنشە, I–III دارەجەلى ەستۋ كەمىستىگى بار بالالار جەرگىلىكتى بيۋدجەت ەسەبىنەن قاجەتتى مەديتسينالىق قۇرىلعىلارمەن قامتاماسىز ەتىلەدى.

“2026 جىلدان باستاپ بالالارعا ارنالعان ەستۋ اپپاراتتارى مەن اۋديو پروتسەسسورلار جەرگىلىكتى بيۋدجەت ەسەبىنەن تەگىن بەرىلەتىن بولادى”, – دەلىنگەن رەسمي حابارلامادا.

بۇل – تەك بىر جاڭالىق قانا. مينيسترلىك 2024 جىلعى مەديتسينالىق جەتىستىكتەر تۋرالى بىرقاتار مالىمەت ۇسىندى:
 • بالالارعا مەديتسينالىق كومەككە بولىنگەن قارجى كولەمى ەكى ەسەگە وسىپ, 575,4 ملرد تەڭگەگە جەتكەن;
 • 2024 جىلى 1700-دەن استام جۇرەككە وتا جاسالعان, ونىڭ 809-ى بىر جاسقا تولماعان نارەستەلەرگە جاسالعان;
 • زاماناۋي تەحنولوگييا مەن نەوناتالدىق رەانيماتسييانىڭ ارقاسىندا شالا تۋعان, سالماعى وتە تومەن نارەستەلەردىڭ ومىر سۇرۋ كورسەتكىشى 4 ەسە ارتقان;
 • ونكوگەماتولوگييا سالاسىندا جىلىنا 5 مىڭ بالا ەم الادى, ال شەتەلگە جولداما ەكى ەسە قىسقارعان – ويتكەنى بۇل كومەك ەلىمىزدە دە قولجەتىمدى;
 • بالالارداعى قاتەرلى ىسىكپەن كۇرەستە ومىر سۇرۋ دەڭگەيى 75 پايىزدان استى.