قازاقستاندىق تەننيسشى زارينا ديياس يسپانييانىڭ تاۋستە قالاسىندا وتكەن ITF W35 دەڭگەيىندەگى تۋرنيردە توپ جاردى. بۇل — جاراقاتتان كەيىن ۇلكەن سپورتقا ورالعان سپورتشىنىڭ بيىلعى ۇشىنشى جەڭىسى, دەپ حابارلايدى Shalqar.kz.

الەمدىك رەيتينگتە 275-ورىندا تۇرعان زارينا جارىستىڭ فاۆوريتتەرىنىڭ بىرى رەتىندە تىركەلدى. فينالعا دەيىنگى بارلىق قارسىلاسىن سەنىمدى جەڭىپ شىققان ول شەشۋشى ماتچتا يتالييالىق ديلەتتا كەرۋبينيمەن (№446) كورتقا شىقتى.

بىرىنشى پارتييادا ديياس قارسىلاسىن قىسپاققا الىپ, 6:1 ەسەبىمەن جەڭىسكە جەتتى. ەكىنشى سەتتە دە باسىمدىق بايقالدى: 5:3 ەسەبىمەن الدا كەلە جاتىپ, قارسىلاس ەسەپتى تەڭەستىرىپ, تاي-برەيكتە باسىم تۇستى — 7:6 (7:4). الايدا شەشۋشى ۇشىنشى سەتتە زارينا ەش مۇمكىندىك قالدىرماي, 6:1 ەسەبىمەن جەڭىستى وز قولىنا الدى.

ەكى ساعاتقا سوزىلعان بۇل ماتچ – ديياستىڭ سپورتتاعى تاباندىلىعىنىڭ جارقىن دالەلى. ەكى جىل ۇزىلىستەن كەيىن 2024 جىلى قايتا ورالعان تەننيسشى وسىلايشا ۇشىنشى رەت ITF تۋرنيرىندە جەڭىمپاز اتانىپ وتىر.