Qazaqstandıq tennisşi Zarina Diyas Ispaniyanıñ Tauste qalasında ötken ITF W35 deñgeyindegi turnirde top jardı. Bwl — jaraqattan keyin ülken sportqa oralğan sportşınıñ biılğı üşinşi jeñisi, dep habarlaydı Shalqar.kz.

Älemdik reytingte 275-orında twrğan Zarina jarıstıñ favoritteriniñ biri retinde tirkeldi. Finalğa deyingi barlıq qarsılasın senimdi jeñip şıqqan ol şeşuşi matçta italiyalıq Diletta Kerubinimen (№446) kortqa şıqtı.

Birinşi partiyada Diyas qarsılasın qıspaqqa alıp, 6:1 esebimen jeñiske jetti. Ekinşi sette de basımdıq bayqaldı: 5:3 esebimen alda kele jatıp, qarsılas esepti teñestirip, tay-breykte basım tüsti — 7:6 (7:4). Alayda şeşuşi üşinşi sette Zarina eş mümkindik qaldırmay, 6:1 esebimen jeñisti öz qolına aldı.

Eki sağatqa sozılğan bwl matç – Diyastıñ sporttağı tabandılığınıñ jarqın däleli. Eki jıl üzilisten keyin 2024 jılı qayta oralğan tennisşi osılayşa üşinşi ret ITF turnirinde jeñimpaz atanıp otır.