23 маусым күні Астанада Президент Қасым-Жомарт Тоқаевтың төрағалығымен құқық қорғау органдарының кеңейтілген алқа отырысы өтеді. Бұл туралы Мемлекет басшысының кеңесшісі әрі баспасөз хатшысы Руслан Желдібай мәлім етті, деп хабарлайды Shalqar.kz.

Маңызды жиынға Үкімет мүшелері, Президент Әкімшілігі, Бас прокуратура, Ішкі істер министрлігі, Қаржы мониторингі агенттігі мен Сыбайлас жемқорлыққа қарсы іс-қимыл агенттігінің басшылары қатысады.

Айта кетейік, жақында Мемлекет басшысы сот актілерін мәжбүрлі түрде орындатуға байланысты ақпарат алмасу туралы Жарлыққа қол қойған болатын. Ертеңгі отырыста құқық қорғау саласының өзекті мәселелері мен реформалары кеңінен талқылануы мүмкін.