23 ماۋسىم كۇنى استانادا پرەزيدەنت قاسىم-جومارت توقاەۆتىڭ توراعالىعىمەن قۇقىق قورعاۋ ورگاندارىنىڭ كەڭەيتىلگەن القا وتىرىسى وتەدى. بۇل تۋرالى مەملەكەت باسشىسىنىڭ كەڭەسشىسى ارى باسپاسوز حاتشىسى رۋسلان جەلدىباي مالىم ەتتى, دەپ حابارلايدى Shalqar.kz.

ماڭىزدى جيىنعا ۇكىمەت مۇشەلەرى, پرەزيدەنت اكىمشىلىگى, باس پروكۋراتۋرا, ىشكى ىستەر مينيسترلىگى, قارجى مونيتورينگى اگەنتتىگى مەن سىبايلاس جەمقورلىققا قارسى ىس-قيمىل اگەنتتىگىنىڭ باسشىلارى قاتىسادى.

ايتا كەتەيىك, جاقىندا مەملەكەت باسشىسى سوت اكتىلەرىن ماجبۇرلى تۇردە ورىنداتۋعا بايلانىستى اقپارات الماسۋ تۋرالى جارلىققا قول قويعان بولاتىن. ەرتەڭگى وتىرىستا قۇقىق قورعاۋ سالاسىنىڭ وزەكتى ماسەلەلەرى مەن رەفورمالارى كەڭىنەن تالقىلانۋى مۇمكىن.