Астанада өтіп жатқан Әлем кубогі кезеңінің екінші күні Махмұд Сабырхан үшін сәтті аяқталды. 55 келі салмақта өнер көрсеткен қазақстандық боксшы оңтүстіккореялық Жаеонг Шинді айқын басымдықпен жеңіп, келесі айналымға жолдама алды, деп хабарлайды Shalqar.kz.

Айта кетейік, Сабырхан – 2023 жылғы әлем чемпионы және биылғы Азия чемпионы. Оның тәжірибесі мен шеберлігі шаршы алаңда тағы да өз нәтижесін берді.

Жарыс қыза түскен сайын жанкүйерлер отандастарымыздың жеңісінен зор үміт күтіп отыр. Дегенмен, таңертең Әнел Сақыш өзбекстандық қарсыласынан ұтылып, жарысты тоқтатуға мәжбүр болды.