1 شىلدەدەن باستاپ قازاقستاندا اتا-اناسىنىڭ قامقورلىعىنسىز قالعان بالالاردى ۋاقىتشا وتباسىلىق ورتاعا ورنالاستىرۋدىڭ جاڭا فورماتى – كاسىبي قابىلداۋشى وتباسى مودەلى ەنگىزىلدى, دەپ حابارلايدى Shalqar.kz.

بۇل جۇيە بالالاردى ينتەرناتقا ەمەس, بىردەن دايىن, ارنايى وقۋدان وتكەن وتباسىلارعا تاپسىرۋعا مۇمكىندىك بەرەدى. اربىر مۇنداي وتباسى 4 بالاعا دەيىن تاربيەلەۋگە قۇقىلى. تاربيەشىلەر مىندەتتى تۇردە ارنايى دايىندىقتان وتەدى, ال بالالاردى قابىلداۋ تۋرالى شەشىمدى قامقورشىلىق ورگاندارى قابىلدايدى.

باستى ارتىقشىلىق – بالانىڭ پسيحولوگييالىق كۇيزەلىسىن ازايتۋ جانە ونى جىلىلىققا تولى وتباسىلىق ورتادا تاربيەلەۋ. مۇنداي تاربيەشىلەرگە جاردەماقى مەن ەڭبەكاقى دا قاراستىرىلعان.

بۇگىندە ەلىمىزدە بالالاردى وتباسىنا ورنالاستىرۋدىڭ 4 فورماسى بار: اسىراپ الۋ, قامقورشىلىق, پاترونات جانە قابىلداۋشى وتباسى. ەندى سوعان كاسىبي قابىلداۋشى وتباسى قوسىلدى.