Астанада өтіп жатқан бокстан Әлем кубогында 3 дүркін әлем чемпионы Назым Қызайбай кезекті жекпе-жегінде Азия чемпионын тізе бүктірді. Ол өзбекстандық қарсыласы Фарзона Фозиловадан айқын басым түсіп, 5:0 есебімен жеңіске жетті, деп хабарлайды Shalqar.kz.

Жекпе-жек Жақсылық Үшкемпіров атындағы Жекпе-жек сарайында өтті. Алғашқы раунд тартысты өткенімен, кейінгі раундтарда Назымның басымдығы айқын сезілді.

Назым Қызайбай — жартылай финалға шыққан Қазақстан құрамасындағы екінші спортшы. Бұған дейін 75 келідегі Надежда Рябец те жартылай финалға өткен болатын.

Бүгінгі жарыс күні тағы жеті отандық боксшы шаршы алаңға шығады.