Конституцияның 30 жылдығына орай жарияланған рақымшылық аясында бостандыққа шыққан алғашқы қазақстандық үйіне оралды. Ол Қостанай облысындағы түзету мекемесінде жазасын өтеген, деп хабарлайды Shalqar.kz.

Қылмыстық-атқару жүйесі комитетінің хабарлауынша, облыс бойынша 2000-ға жуық адам түрмеде отыр. 300-і рақымшылыққа іліккен. Ұрлық үшін сотталған ер адам бірінші болып босап шықты. Оны үйінде жұбайы мен үш баласы күтіп алған.

Мемлекет тарапынан бұл азаматтарға жұмысқа орналасу, құжаттарды қалпына келтіру, психологиялық қолдау сынды көмектер көрсетіледі.

Естеріңізге сала кетейік, маусым айында қабылданған заңмен 15,1 мың адамға рақымшылық жасалған. 4,1 мыңы босатылады, ал 11 мың сотталушының жаза мерзімі қысқарады.