كونستيتۋتسييانىڭ 30 جىلدىعىنا وراي جارييالانعان راقىمشىلىق اياسىندا بوستاندىققا شىققان العاشقى قازاقستاندىق ۇيىنە ورالدى. ول قوستاناي وبلىسىنداعى تۇزەتۋ مەكەمەسىندە جازاسىن وتەگەن, دەپ حابارلايدى Shalqar.kz.

قىلمىستىق-اتقارۋ جۇيەسى كوميتەتىنىڭ حابارلاۋىنشا, وبلىس بويىنشا 2000-عا جۋىق ادام تۇرمەدە وتىر. 300-ى راقىمشىلىققا ىلىككەن. ۇرلىق ۇشىن سوتتالعان ەر ادام بىرىنشى بولىپ بوساپ شىقتى. ونى ۇيىندە جۇبايى مەن ۇش بالاسى كۇتىپ العان.

مەملەكەت تاراپىنان بۇل ازاماتتارعا جۇمىسقا ورنالاسۋ, قۇجاتتاردى قالپىنا كەلتىرۋ, پسيحولوگييالىق قولداۋ سىندى كومەكتەر كورسەتىلەدى.

ەستەرىڭىزگە سالا كەتەيىك, ماۋسىم ايىندا قابىلدانعان زاڭمەن 15,1 مىڭ ادامعا راقىمشىلىق جاسالعان. 4,1 مىڭى بوساتىلادى, ال 11 مىڭ سوتتالۋشىنىڭ جازا مەرزىمى قىسقارادى.