Қазақстан ұлттық футзал құрамасы 2026 жылғы Еуропа чемпионатына жолдама алу үшін плей-офф кезеңінде Италиямен тартысты матч өткізбек. Қос кездесу 15 пен 24 қыркүйек аралығында өтеді. Алғашқы ойын сырт алаңда, ал қарымта матч өз алаңымызда жанкүйерлердің көз алдында болады, деп хабарлайды Shalqar.kz.

Бас бапкер Кака шәкірттері Еуро жолында осал емес қарсыласқа тап болды. Италия құрамасы — Еуропа чемпионатының екі дүркін жеңімпазы. Екі елдің соңғы кездесуі 2016 жылғы чемпионаттың ширек финалында өтіп, Қазақстан 5:2 есебімен айқын басымдықпен жеңіске жеткен.

Іріктеу кезеңінде біздің құрама екінші орынды иеленіп, 10 ұпай жинады. Топ жеңімпазы – Армения (16 ұпай). Қазақстан құрамасы Албанияны екі мәрте, Данияны бір рет жеңіп, Армениямен тең түсті. Алайда Армения мен Даниядан бір матчта ұтылып қалды.

Айта кетейік, 2026 жылғы Еуропа чемпионаты Словения, Латвия және Литвада өтеді.