2025 жылғы 1 тамыз бен 20 қазан аралығында елімізде Ұлттық ауыл шаруашылығы санағы өтеді. Бұл — аграрлық сектордың жағдайы мен құрылымы туралы нақты деректер жинауға арналған маңызды шара, деп хабарлайды Shalqar.kz.

Санаққа фермерлер, жеке қосалқы шаруашылық иелері, заңды тұлғалар мен ауыл шаруашылығымен айналысатын кәсіпкерлер қатысады.

1-кезең (1–31 тамыз): sanaq.gov.kz сайтында онлайн-сауалнама жүргізіледі. Респонденттер жүйеге ЭЦҚ, СМС немесе QR-код арқылы кіреді.

2-кезең (20 қыркүйек – 20 қазан): интервьюерлер үй шаруашылықтарын жеке аралайды.

Сауалнаманы толтыру кезінде Sanaq-Myrza атты виртуалды көмекші арқылы кеңес алуға болады. Сондай-ақ 1446 байланыс нөмірі тәулік бойы жұмыс істейді.

Санақ нәтижелері азық-түлік қауіпсіздігін қамтамасыз етіп, ауыл шаруашылығына арналған саясатты тиімді жүргізуге мүмкіндік береді.