2025 جىلعى 1 تامىز بەن 20 قازان ارالىعىندا ەلىمىزدە ۇلتتىق اۋىل شارۋاشىلىعى ساناعى وتەدى. بۇل — اگرارلىق سەكتوردىڭ جاعدايى مەن قۇرىلىمى تۋرالى ناقتى دەرەكتەر جيناۋعا ارنالعان ماڭىزدى شارا, دەپ حابارلايدى Shalqar.kz.

ساناققا فەرمەرلەر, جەكە قوسالقى شارۋاشىلىق يەلەرى, زاڭدى تۇلعالار مەن اۋىل شارۋاشىلىعىمەن اينالىساتىن كاسىپكەرلەر قاتىسادى.

1-كەزەڭ (1–31 تامىز): sanaq.gov.kz سايتىندا ونلاين-ساۋالناما جۇرگىزىلەدى. رەسپوندەنتتەر جۇيەگە ەتسق, سمس نەمەسە QR-كود ارقىلى كىرەدى.

2-كەزەڭ (20 قىركۇيەك – 20 قازان): ينتەرۆьيۋەرلەر ۇي شارۋاشىلىقتارىن جەكە ارالايدى.

ساۋالنامانى تولتىرۋ كەزىندە Sanaq-Myrza اتتى ۆيرتۋالدى كومەكشى ارقىلى كەڭەس الۋعا بولادى. سونداي-اق 1446 بايلانىس نومىرى تاۋلىك بويى جۇمىس ىستەيدى.

ساناق ناتيجەلەرى ازىق-تۇلىك قاۋىپسىزدىگىن قامتاماسىز ەتىپ, اۋىل شارۋاشىلىعىنا ارنالعان ساياساتتى تيىمدى جۇرگىزۋگە مۇمكىندىك بەرەدى.