Оңтүстік Корея Temu мен AliExpress платформаларында сатылатын балалар ойыншықтарынан қауіпті заттар табылғанын жариялады. 11 өнім қауіпсіздік талаптарына сай келмеген, деп хабарлайды Shalqar.kz.

Балалар қолшатырларынан рұқсат етілген нормадан 400 есе көп фталат анықталған. Бұл заттар гормондық өзгерістерге, демікпеге, тіпті қант диабетіне әсер етуі мүмкін. Сондай-ақ кей өнімдерде қорғасын мөлшері қалыптан 27 есе жоғары болған.
Ирландия билігі де қауіпті ойыншықтарды сатылымнан алып тастауға шақырды.

Қазақстанда Temu жарнамасының көптігі мен сапасыз өнімдерге қатысты шағымдар артып келеді. Депутат Азат Перуашев Қытай интернет-дүкендерінің баж салығын төлемей, отандық кәсіпкерлерге қысым жасап отырғанын айтты.