وڭتۇستىك كورەيا Temu مەن AliExpress پلاتفورمالارىندا ساتىلاتىن بالالار ويىنشىقتارىنان قاۋىپتى زاتتار تابىلعانىن جارييالادى. 11 ونىم قاۋىپسىزدىك تالاپتارىنا ساي كەلمەگەن, دەپ حابارلايدى Shalqar.kz.

بالالار قولشاتىرلارىنان رۇقسات ەتىلگەن نورمادان 400 ەسە كوپ فتالات انىقتالعان. بۇل زاتتار گورموندىق وزگەرىستەرگە, دەمىكپەگە, تىپتى قانت ديابەتىنە اسەر ەتۋى مۇمكىن. سونداي-اق كەي ونىمدەردە قورعاسىن مولشەرى قالىپتان 27 ەسە جوعارى بولعان.
يرلاندييا بيلىگى دە قاۋىپتى ويىنشىقتاردى ساتىلىمنان الىپ تاستاۋعا شاقىردى.

قازاقستاندا Temu جارناماسىنىڭ كوپتىگى مەن ساپاسىز ونىمدەرگە قاتىستى شاعىمدار ارتىپ كەلەدى. دەپۋتات ازات پەرۋاشەۆ قىتاي ينتەرنەت-دۇكەندەرىنىڭ باج سالىعىن تولەمەي, وتاندىق كاسىپكەرلەرگە قىسىم جاساپ وتىرعانىن ايتتى.