Астанада қала күні ерекше қуанышпен басталды – 6 шілде күні таңғы сағат 00:00-ден 12:00-ге дейін елордада 39 сәби дүниеге келді: 22 ұл және 17 қыз. Бұл туралы қалалық әкімдіктің баспасөз қызметі мәлімдеді, деп хабарлайды Shalqar.kz.

Нәрестелер №2 және №3 көпбейінді ауруханаларда, Перинаталдық орталықта, “Рахат” пен басқа да жекеменшік медициналық мекемелерде өмірге келген.
Дәрігерлердің айтуынша, барлық аналар мен сәбилердің жағдайы жақсы, медициналық көмек толық көлемде көрсетілуде.
Ақ халаттылар дәл осы күнгі дүниеге келген әрбір сәбиді – отбасына ғана емес, бүкіл елге берілген сый деп бағалап отыр. Бұл жаңа өмірлердің қала күнімен тұспа-тұс келуі ерекше символдық мәнге ие.