Төтенше жағдайлар министрлігінің құтқарушылары Үлкен Алматы көлі маңында шет елдік азаматқа көмек көрсетті. Ер адам қиын таулы аймақта жарақат алып, көмекке мұқтаж болған, деп хабарлайды Shalqar.kz.

Құтқарушылар рейд барысында жартасты жол шетінде жатқан ер адамды байқап қалған. Кейін белгілі болғандай, 1993 жылы туған Оңтүстік Корея азаматы электровелосипедпен серуендеп жүріп, қиын жолда тепе-теңдігін жоғалтып, құлап кеткен.
Құтқарушылар күрделі рельефке қарамастан, зардап шеккен адамға жетіп, алғашқы медициналық көмек көрсетті. Алайда ол ауруханаға барудан бас тартты.