АҚШ президенті Дональд Трамп Қасым-Жомарт Тоқаевқа ресми хат жолдап, 2025 жылдың 1 тамызынан бастап Қазақстаннан импортталатын барлық тауарға 25% көлемінде баж салығы салынатынын мәлімдеді, деп хабарлайды Shalqar.kz.

Бұл ақпарат АҚШ президентінің Truth Social парақшасында жарияланды. Хатта Трамп бұл қадамның сауда теңгерімін қалпына келтіруге бағытталғанын атап өткен. “Бізге бірнеше жыл бойы келіссөздер жүргізуге мүмкіндік берілді, алайда енді ұзақ мерзімді тапшылықпен күресуге кірісу қажет”, – делінген хатта.

Трамп сонымен қатар бұл баж салығы АҚШ-тың ішкі өндірісін қорғау үшін енгізіліп отырғанын және ол қарсы жауап ретінде Қазақстан тарапынан енгізілетін кез келген салыққа қосымша ретінде қолданылатынын ескертті.