Қазақстандық ауыр атлет Денис Полубояринов Азия чемпионатында жеңіске жетіп қана қоймай, жаңа рекорд орнатты. Жарыс Астанада жасөспірімдер мен жастар арасында өтті, деп хабарлайды Shalqar.kz.

94 келіге дейінгі салмақта өнер көрсеткен спортшы қоссайыста 376 келі (163+213) көтеріп, қарсыластарынан озып кетті. Ол серпе көтеру жаттығуында Азия рекордын жаңартты.

Күміс медальді өзбекстандық Руслан Рахматжонов (345 келі), ал қола жүлдені Бахрейн атлеті Джон Мурилло (334 келі) иеленді.

Айта кетейік, осы чемпионатта қазақстандық Аянат Жұмағали қола медаль иеленіп, Ерасыл Сәулебеков Азия чемпионы атанған еді.