ارال تەڭىزىنىڭ قۇرعاعان تابانىن جاسىل جەلەككە اينالدىرۋ ماقساتىندا قىزىلوردا وبلىسىندا جاڭا ورمان تۇقىمباعىنىڭ قۇرىلىسى جۇرىپ جاتىر. بۇل نىسان جىلىنا 1,5 ميلليون كوشەت وسىرۋگە قاۋقارلى, دەپ حابارلايدى Shalqar.kz.

ەكولوگييا مينيسترى ەرلان نىسانباەۆ ارال وڭىرىنە ساپارمەن بارىپ, ورمان-مەليوراتسييا جۇمىستارىنىڭ بارىسىمەن تانىستى. قازىرگى تاڭدا تۇقىمباقتىڭ اۋماعى – 15 گەكتار, ۇڭعىمالار قازىلىپ, قىزمەتكەرلەرگە ارنالعان مودۋلьدىك كەشەندەر ورناتىلعان.

جاڭا تۇقىمباق اريدتىك ايماققا بەيىمدەلگەن كوشەتتەردى تيىمدى وسىرۋگە, ارى تاسىمال شىعىندارىن ازايتۋعا مۇمكىندىك بەرەدى. بۇل — ارالدى قايتا جانداندىرۋ جولىنداعى ماڭىزدى قادام.

ساپار بارىسىندا 2023–2025 جىلدارى ەگىلگەن 15 مىڭ گەكتاردان استام ەكپە القاپتارى تەكسەرىلدى. عالىمدارمەن بىرگە وتىرعىزۋ ادىستەرىن جەتىلدىرۋ جانە جەرسىندىرۋ دەڭگەيىن ارتتىرۋ ماسەلەلەرى تالقىلاندى.