Қазақстанда электр энергиясының бағасы 1 тамыздан бастап өседі. Тарифтер өңір мен қызмет көрсететін компанияға қарай әртүрлі, бірақ баға шамамен 2 теңгеден астамға көтеріледі, деп хабарлайды Shalqar.kz.

Энергетика министрлігінің жаңа бұйрығына сәйкес, 63 энергия өндіруші ұйым үшін 1 кВт/сағ электр қуатының орташа бағасы 44,02 теңге болып белгіленген.

Мысалы, Жамбыл ГРЭС тарифі 22,58 теңгеден 23,25 теңгеге өседі. Ақтөбе ЖЭО – 17,54-тен 18,19 теңгеге дейін. Ал “Қызылорда жылу электр орталығы” үшін тариф 12,1 теңгеден 13,13 теңгеге жетеді. Кейбір ұйымдарда өсім 2 теңгеден де асады.

Энергетика саласындағы бұл өзгерістер тұтынушылар үшін жалпы бағаның өсуіне әсер етеді. Бұған дейін де инфляцияның негізгі себебі ақылы қызметтердің қымбаттауы болған, ал жыл басынан бері бұл көрсеткіш 16,1%-ға жеткен.