قازاقستاندا ەلەكتر ەنەرگيياسىنىڭ باعاسى 1 تامىزدان باستاپ وسەدى. تاريفتەر وڭىر مەن قىزمەت كورسەتەتىن كومپانيياعا قاراي ارتۇرلى, بىراق باعا شامامەن 2 تەڭگەدەن استامعا كوتەرىلەدى, دەپ حابارلايدى Shalqar.kz.

ەنەرگەتيكا مينيسترلىگىنىڭ جاڭا بۇيرىعىنا سايكەس, 63 ەنەرگييا وندىرۋشى ۇيىم ۇشىن 1 كۆت/ساع ەلەكتر قۋاتىنىڭ ورتاشا باعاسى 44,02 تەڭگە بولىپ بەلگىلەنگەن.

مىسالى, جامبىل گرەس تاريفى 22,58 تەڭگەدەن 23,25 تەڭگەگە وسەدى. اقتوبە جەو – 17,54-تەن 18,19 تەڭگەگە دەيىن. ال “قىزىلوردا جىلۋ ەلەكتر ورتالىعى” ۇشىن تاريف 12,1 تەڭگەدەن 13,13 تەڭگەگە جەتەدى. كەيبىر ۇيىمداردا وسىم 2 تەڭگەدەن دە اسادى.

ەنەرگەتيكا سالاسىنداعى بۇل وزگەرىستەر تۇتىنۋشىلار ۇشىن جالپى باعانىڭ وسۋىنە اسەر ەتەدى. بۇعان دەيىن دە ينفلياتسييانىڭ نەگىزگى سەبەبى اقىلى قىزمەتتەردىڭ قىمباتتاۋى بولعان, ال جىل باسىنان بەرى بۇل كورسەتكىش 16,1%-عا جەتكەن.