Қазақстандық жас балуан Мадхия Усманова Афинада өткен әлем чемпионатында топ жарып, алтын медаль иеленді. Бұл жетістік жас спортшының мансабындағы ең үлкен жеңісі болып отыр, деп хабарлайды Shalqar.kz.

57 келі салмақта күрескен Усманова финалда Үндістан спортшысы Мониден 6:5 есебімен басым түсті. Осылайша ол Қазақстан құрамасы үшін алғашқы алтынды алып келді. Чемпионатта өзге де отандастарымыз өнер көрсетті – 43 келі салмақта күрескен Інжу Баққожа қола медальға ие болды.

Бұған дейін грек-рим күресінен де Жаңажол Қуанышбек әлем чемпионы атанған болатын. Қазақстанның жас балуандары халықаралық ареналарда табысқа жетіп келеді.