Газа секторында азық-түліктің жетіспеуі салдарынан қаза тапқандар саны 169 адамға жетті. Құрбандардың арасында 93 бала бар, деп хабарлайды Shalqar.kz.

Газа Денсаулық сақтау министрлігінің мәліметінше, соңғы тәулікте аштықтан тағы жеті адам көз жұмған. Гуманитарлық ахуал күн сайын ушығып барады. Азық-түлік пен дәрі-дәрмек тапшылығы тұрғындардың өміріне қауіп төндіріп отыр.

Министрлік халықаралық ұйымдар мен қауымдастықтарды тез арада әрекет етуге шақырып отыр. Израиль жағы БҰҰ-ны гуманитарлық жүк жіберуге көндіруге тырысуда.

Алайда The Jerusalem Post жазуынша, аймақта азық-түлік қауіпсіздігі әлі де күрделі күйде қалып отыр.