Қазақстанда кәмелетке толмағандарға жыныстық сипаттағы қылмыс жасағандарға қолданылатын химиялық кастрация тәртібі күшейтілуі мүмкін. Денсаулық сақтау министрлігі тиісті түзетулер жобасын жариялады, деп хабарлайды Shalqar.kz.

Жаңа ереже бойынша, сот-психиатриялық сараптама тағайындау үшін түзеу мекемелері материалдарды сотқа жазасын өтеу мерзімі аяқталуына 12 ай қалғанда жолдауы керек. Ал химиялық кастрация сот шешімімен, сотталушы бостандыққа шығуына алты ай қалғанда қолданылады.

Еске сала кетейік, бұл шара 18 жастан асқан, кәмелетке толмағандарға қарсы ауыр жыныстық қылмыс жасаған тұлғаларға ғана қолданылады.