Астанада теннистен Президент кубогы үшін өткен халықаралық турнир өз мәресіне жетті. Биылғы чемпион — 18 жастағы норвегиялық Николай Будков Кьер, деп хабарлайды Shalqar.kz.

Финалдық кездесуде ол италиялық Александр Биндуді 6:4, 6:3 есебімен ұтып, 8 350 доллар мен 50 ATP ұпайына ие болды. Бұл — жас спортшының мансабындағы үшінші челленджер титулы.

Жұптық сында жапон теннисшілері Тайсей Ишикава мен Кокоро Исамура жеңіске жетті. Олар финалда филиппиндік-корейлік жұпты жеңді — 7:5, 2:6, 10:5.

Айта кетейік, бұған дейін Монреаль турнирінде Елена Рыбакина ширек финалға өткен болатын.