Афинада өткен күрестің үш түрінен жасөспірімдер арасындағы әлем чемпионатында Қазақстан құрамасы 11 жүлдеге ие болды. Бұл — отандық спорт тарихындағы ірі жетістіктердің бірі, деп хабарлайды Shalqar.kz.

Грек-рим күресінде Жаңажол Қуанышбек алтын медаль иеленсе, Нұрдәулет Құмарұлы мен Нұралы Асқар финалға дейін жетіп, күміс жүлде жеңді.

Үшінші орынға Шамиль Досбол мен Марлен Мейірбекұлы көтерілді.

Қыздар арасында Мадхия Усманова алтынмен марапатталды, ал Інжу Баққожа мен Шахизада Дәулетжан қола жүлдегер атанды.

Еркін күрестен де үш балуанымыз — Данаэль Әбдіқасым, Бекасыл Асамбек және Дінмұхамед Қасымбек қола медаль алып, ел мерейін асырды.