فۋتبولدان 2026 جىلعى الەم چەمپيوناتىنىڭ توپتىق كەزەڭىنە ارنالعان جەرەبە تارتۋ راسىمى اقش-تىڭ لاس-ۆەگاس قالاسىندا وتەدى. شارا 5 جەلتوقسانعا جوسپارلانعان, دەپ حابارلايدى Shalqar.kz.

باستاپقىدا بۇل راسىمدى وتكىزۋگە كانادا مەن مەكسيكا دا ۇمىتكەر بولعان. الايدا, جارىس ۇيىمداستىرۋشىلارى تاڭداۋىن ايگىلى لاس-ۆەگاسقا توقتاتتى. جەرەبە تارتۋ 2023 جىلى اشىلعان Sphere ويىن-ساۋىق ارەناسىندا وتەدى. بۇل — زاماناۋي تەحنولوگييالارمەن جابدىقتالعان, 54 مىڭ شارشى مەترلىك, 18 600 ادامعا ارنالعان الىپ كەشەن. ارەنادا تۇرلى شوۋ مەن سپورتتىق تۋرنيرلەر وتكىزىلىپ تۇرادى. مىسالى, وتكەن جىلى دال وسى جەردە UFC 306 تۋرنيرى وتكەن.

ەستەرىڭىزگە سالا كەتەيىك, مۋنديالь 2026 جىلى 15 ماۋسىم مەن 13 شىلدە ارالىعىندا اقش, كانادا جانە مەكسيكادا وتەدى. بۇل — 48 قۇراما قاتىساتىن تۇڭعىش الەم چەمپيوناتى بولماق. جانكۇيەرلەر ۇشىن تارتىستى ويىندار, جاڭا فورمات جانە ەموتسيياعا تولى تۋرنير كۇتىپ تۇر.