10 تامىز – قازاق رۋحانيياتىنىڭ شامشىراعى, اقىن, فيلوسوف, اعارتۋشى اباي قۇنانبايۇلىنىڭ تۋعان كۇنى. 2020 جىلدان بەرى بۇل كۇن رەسمي تۇردە «اباي كۇنى» رەتىندە اتالىپ كەلەدى. بيىل حالقىمىزدىڭ ۇلى پەرزەنتىنىڭ دۇنيە ەسىگىن اشقانىنا 180 جىل تولىپ وتىر, دەپ حابارلايدى Shalqar.kz.

اباي (1845-1904) – قازاقتىڭ جازبا ادەبيەتىنىڭ نەگىزىن قالاعان, ۇلتتىڭ وي-ساناسىن جاڭا بەلەسكە كوتەرگەن بىرەگەي تۇلعا. ول قازىرگى اباي وبلىسىنىڭ قاراۋىل اۋىلىندا دۇنيەگە كەلىپ, بالا كەزىنەن بىلىمگە قۇشتار بولىپ وستى. مەدرەسەدە اراب, پارسى, تۇركى جانە ورىس تىلدەرىن مەڭگەرىپ, شىعىس پەن باتىس ادەبيەتىنىڭ جاۋھارلارىن زەرتتەدى.

پۋشكين, لەرمونتوۆ, كرىلوۆ, گيوتە, بايرون سيياقتى الەم ادەبيەتىنىڭ الىپتارىن قازاق تىلىنە اۋدارىپ, حالىققا تانىتتى. ونىڭ 45 «قارا سوزى» – ماڭگىلىك رۋحاني قازىنا. بۇگىندە ابايدىڭ ەسىمى وبلىستارعا, ۋنيۆەرسيتەتتەرگە, تەاترلارعا, كوشەلەرگە بەرىلگەن, ال ەسكەرتكىشتەرى الەمنىڭ تۇرلى ەلىندە بوي كوتەرگەن.

ابايدىڭ مۇراسى – تەك قازاققا عانا ەمەس, بۇكىل ادامزاتقا ورتاق. ول «مال ۇشىن ەمەس, ار ۇشىن ومىر سۇرۋگە» شاقىرعان كەمەڭگەر.