10 tamız – qazaq ruhaniyatınıñ şamşırağı, aqın, filosof, ağartuşı Abay Qwnanbaywlınıñ tuğan küni. 2020 jıldan beri bwl kün resmi türde «Abay küni» retinde atalıp keledi. Biıl halqımızdıñ wlı perzentiniñ dünie esigin aşqanına 180 jıl tolıp otır, dep habarlaydı Shalqar.kz.

Abay (1845-1904) – qazaqtıñ jazba ädebietiniñ negizin qalağan, wlttıñ oy-sanasın jaña beleske kötergen biregey twlğa. Ol qazirgi Abay oblısınıñ Qarauıl auılında düniege kelip, bala kezinen bilimge qwştar bolıp östi. Medresede arab, parsı, türki jäne orıs tilderin meñgerip, Şığıs pen Batıs ädebietiniñ jauharların zerttedi.

Puşkin, Lermontov, Krılov, Gete, Bayron siyaqtı älem ädebietiniñ alıptarın qazaq tiline audarıp, halıqqa tanıttı. Onıñ 45 «Qara sözi» – mäñgilik ruhani qazına. Büginde Abaydıñ esimi oblıstarğa, universitetterge, teatrlarğa, köşelerge berilgen, al eskertkişteri älemniñ türli elinde boy kötergen.

Abaydıñ mwrası – tek qazaqqa ğana emes, bükil adamzatqa ortaq. Ol «mal üşin emes, ar üşin ömir süruge» şaqırğan kemeñger.