Таиланд астанасы Бангкокта өткен 19 жасқа дейінгі қыздар арасындағы Азия чемпионатында Қазақстан құрамасы 1 алтын, 1 күміс және 5 қола медаль иеленді. Бұл – отандастарымыздың құрлықтық додадағы айтарлықтай жетістігі, деп хабарлайды Shalqar.kz.

Азия чемпионы атағын Құралай Егінбайқызы (80 келі) жеңіп алды. Ол финалда үндістандық Критика Уасаннан 3:2 есебімен басым түсті. Күміс жүлдені Аяжан Ермек (57 келі) иеленсе, қола медальға Айым Таңқыбаева (51 келі), Жанель Имантаева (54 келі), Алина Құдайгенова (60 келі), Ақбота Есімбекова (65 келі) және Сабина Жақсылық (80 келіден жоғары) қол жеткізді.

Жарысқа 25 елден 396 спортшы (237 ер және 159 қыз) қатысып, қазақстандық спортшылардың өнері жанкүйерлердің зор қошеметіне бөленді.