10 تامىز كەشكە تۇركييانىڭ سولتۇستىك-باتىسىنداعى بالىكەسير وڭىرىندە 6,1 ماگنيتۋدالى جەر سىلكىنىسى تىركەلدى. توتەنشە جاعدايلار مەن تابيعي اپاتتاردىڭ زارداپتارىن جويۋ باسقارماسىنىڭ مالىمەتىنشە, دۇمپۋ ساعات 19:53 شاماسىندا, 11 شاقىرىم تەرەڭدىكتە ورنالاسقان سىندىرگى اۋدانىندا بولعان, دەپ حابارلايدى Shalqar.kz.

جەر سىلكىنىسىنىڭ دۇمپۋى يزمير, ىستامبۇل, مانيسا, ۋشاك, ايدىن, ەسكيشەحير, ساكارьيا جانە تاعى بىرنەشە قالادا سەزىلگەن. سالدارىنان سىندىرگىدا بىر عيمارات قيراپ, ەكى ادام ۇيىندى استىنان قۇتقارىلدى, تاعى ەكەۋىن شىعارۋ جۇمىستارى جالعاسىپ جاتىر.

نەگىزگى دۇمپۋدەن كەيىن ماگنيتۋداسى 4,6; 4,1 جانە 4,0 بولاتىن ۇش افتەرشوك تىركەلگەن. جەر استى تولقىندارىنىڭ تەرەڭدىگى 6,78–16,07 شاقىرىم ارالىعىندا بولدى. ىستامبۇلدا تۇرعىندار ۇيلەرىن تاستاپ, ساياباقتار مەن اشىق الاڭدارعا جينالدى.

تۇركييا پرەزيدەنتى رەجەپ تايىپ ەردوعان زارداپ شەككەندەرگە قولداۋ بىلدىرىپ, زىلزالا بولعان ساتتەن باستاپ بارلىق تيىستى قىزمەتتەردىڭ جۇمىلدىرىلعانىن مالىمدەدى.