Алматының «Қайраты» Чемпиондар лигасының іріктеу кезеңінде Словакияның «Слован» клубын пенальти сериясында жеңіп, плей-оффқа жолдама алды. Бұл жеңіс клубқа 4,29 миллион еуро (шамамен 2,5 миллиард теңге) табыс әкелді, деп хабарлайды Shalqar.kz.

Егер «Қайрат» плей-оффта жеңсе, топтық кезеңге шығып, тағы 18,62 миллион еуро (11,7 миллиард теңге) табыс табады. Алматылықтардың келесі қарсыласы – Шотландия чемпионы «Селтик». Бірінші матч 20 тамызда Глазгода, ал қарымта ойын 26 тамызда Алматыда өтеді.

Бұл жеңіс «Қайрат» үшін тек спорттық жетістік қана емес, экономикалық тұрғыдан да үлкен серпін болмақ.