Ресей қолданушылары WhatsApp және Telegram мессенджерлерінде дауыстық қоңыраулар кезінде байланыс қиындықтарын байқады. БАҚ дерегінше, бұл функцияны біртіндеп бұғаттау басталған болуы мүмкін, деп хабарлайды Shalqar.kz.

Downdetector деректері бойынша, соңғы күндері Telegram-ға қатысты 7 500-ден астам, ал WhatsApp бойынша 3 300-ден астам шағым түскен. Ресми түсініктеме берілмесе де, бейресми мәліметтер ірі операторлардың қоңырауларды шектеу туралы ұсынысын көрсетеді.

Мамандардың айтуынша, бұл шара операторлардың табысын арттыру, киберқылмыстардың алдын алу және толық бұғаттау қаупін азайту үшін қабылдануы мүмкін. Талқылау әлі жалғасып жатыр.