12 qazannan bastap Europalıq Odaqqa baratın turister şekaradan ötu kezinde jaña tärtipke tap boladı. Bwl küni EO elderi dästürli pasportqa mör basu jüyesinen bas tartıp, onıñ ornına biometriyalıq derekterdi tirkeuge arnalğan Kiru/Şığu jüyesin (EES) iske qosadı. Jüye EO-ğa kirmeytin elderdiñ azamattarına qoldanıladı, dep habarlaydı Shalqar.kz.

EES arqılı sayahatşılardıñ bet-beynesi men sausaq izderi arnayı skanerden ötkiziledi. Bwl derekter üş jıl boyı saqtaladı da, keyin avtomattı türde joyıladı. Proceduradan bas tartqan adamdarğa EO aumağına kiruge rwqsat berilmeydi. Jaña jüye Kipr men Irlandiyadan basqa barlıq EO elderinde jäne Şengen aymağına kiretin Islandiya, Lihtenşteyn, Norvegiya men Şveycariyada qoldanıladı.

Bwl jañaşıldıq 2026 jıldıñ soñında iske qosılatın Europalıq aqparattıq jäne saparğa rwqsat beru jüyesine (ETIAS) dayındıq retinde engizilude. ETIAS boyınşa, EO-ğa kirmeytin elderdiñ azamattarı sapar aldında 20 euro köleminde alım tölep, aldın ala rwqsat aluı tiis boladı.