Қазақстандық теннисші, әлемнің 10-ракеткасы Елена Рыбакина АҚШ-та өтіп жатқан беделді WTA 1000 турнирінің жартылай финалына жолдама алды. Ол ширек финалда әлемнің 1-ракеткасы Арина Соболенконы сенімді түрде ұтты, деп хабарлайды Shalqar.kz

Матч небәрі 1 сағат 15 минутқа созылды. Рыбакина алғашқы партияда 6:1 есебімен айқын басымдық танытты, ал екінші сетте 6:4 есебімен жеңісті түйіндеді. Қазақстандық спортшы 11 эйс жасап, 5 брейк-пойнттың үшеуін тиімді пайдаланды.

Енді Рыбакина финалға шығу үшін Польша өкілі, әлемнің 3-ракеткасы Ига Швентекпен бақ сынайды.