قىزىلوردا قالاسىنىڭ سول جاعالاۋىنداعى جاڭا اۋداندا «كەلەشەك مەكتەپتەرى» جوباسى اياسىندا وڭىردەگى العاشقى بىلىم ورداسى اشىلدى. جاڭا مەكتەپتىڭ تۇساۋكەسەرىنە 400-دەن استام اتا-انا, وقۋشى جانە رەسپۋبليكالىق پەن جەرگىلىكتى باق وكىلدەرى قاتىستى, دەپ حابارلايدى Shalqar.kz.

900 ورىندىق بۇل مەكتەپ تسيفرلاندىرۋ, ينكليۋزيۆتىلىك جانە كەڭىستىكتى تيىمدى پايدالانۋ تالاپتارىنا ساي سالىنعان زاماناۋي بىلىم ورداسى سانالادى. مۇندا 0-سىنىپتان باستاپ 11-سىنىپقا دەيىنگى وقۋشىلار بىلىم الا الادى. مەكتەپ جاڭا جيھازدارمەن, زاماناۋي تسيفرلىق قۇرىلعىلارمەن جانە ينتەراكتيۆتى تەحنولوگييالارمەن تولىق جابدىقتالعان.

عيماراتتا پاندۋس, ليفت, تاكتيلьدى باعىتتاعىشتار مەن ساحناعا ارنالعان ارنايى قۇرىلعىلار بار. اشىق ەسىك كۇنىندە اتا-انالار مەن جۋرناليستەرگە روبوتوتەحنيكا كابينەتى, STEM-زەرتحاناسى, ونەر جانە جوبالاۋ سىنىپتارى, تىگىن جانە اسپازدىق شەبەرحانالارى تانىستىرىلدى.