Қазақстанда соңғы бес жылда азық-түлік бағасы айтарлықтай қымбаттағаны белгілі болды. Ұлттық статистика бюросы 2020 және 2025 жылдардағы деректерді салыстырып жариялады, деп хабарлайды Shalqar.kz.

Ең көп қымбаттаған өнім – қызылша, бағасы 191%-ға өсіп, үш есеге артқан (135 теңгеден 398 теңгеге). Қырыққабат 134%-ға қымбаттап, 83 теңгеден 194 теңгеге жетті. Екі есе өскендер қатарында арпа-бидай наны (554 тг), майонез (1992 тг), пияз (218 тг), карамель (1573 тг), қант (432 тг) бар.

Сүт, ет және нан өнімдерінің бағасы да шарықтады. Мысалы, 3,2% майлылықтағы сүт литрі 269 теңгеден 534 теңгеге жеткен. Сиыр еті 67%-ға қымбаттап, келісі 1905 теңгеден 3188 теңгеге көтерілді. Жылқы еті де 50%-ға өсіп, 3294 теңгені құрады. Ал бірінші сортты ұннан жасалған нан 47%, екінші сортты ұннан жасалған нан 46% өскен.

Ең аз қымбаттаған өнім – қарақұмық жармасы, оның бағасы небәрі 15%-ға өсіп, 383 теңгеден 440 теңгеге жеткен. Бюро дерегінше, соңғы бес жылда бірде-бір негізгі азық-түлік арзандаған.