قازاقستاندا سوڭعى بەس جىلدا ازىق-تۇلىك باعاسى ايتارلىقتاي قىمباتتاعانى بەلگىلى بولدى. ۇلتتىق ستاتيستيكا بيۋروسى 2020 جانە 2025 جىلدارداعى دەرەكتەردى سالىستىرىپ جارييالادى, دەپ حابارلايدى Shalqar.kz.

ەڭ كوپ قىمباتتاعان ونىم – قىزىلشا, باعاسى 191%-عا وسىپ, ۇش ەسەگە ارتقان (135 تەڭگەدەن 398 تەڭگەگە). قىرىققابات 134%-عا قىمباتتاپ, 83 تەڭگەدەن 194 تەڭگەگە جەتتى. ەكى ەسە وسكەندەر قاتارىندا ارپا-بيداي نانى (554 تگ), مايونەز (1992 تگ), پيياز (218 تگ), كارامەلь (1573 تگ), قانت (432 تگ) بار.

سۇت, ەت جانە نان ونىمدەرىنىڭ باعاسى دا شارىقتادى. مىسالى, 3,2% مايلىلىقتاعى سۇت ليترى 269 تەڭگەدەن 534 تەڭگەگە جەتكەن. سيىر ەتى 67%-عا قىمباتتاپ, كەلىسى 1905 تەڭگەدەن 3188 تەڭگەگە كوتەرىلدى. جىلقى ەتى دە 50%-عا وسىپ, 3294 تەڭگەنى قۇرادى. ال بىرىنشى سورتتى ۇننان جاسالعان نان 47%, ەكىنشى سورتتى ۇننان جاسالعان نان 46% وسكەن.

ەڭ از قىمباتتاعان ونىم – قاراقۇمىق جارماسى, ونىڭ باعاسى نەبارى 15%-عا وسىپ, 383 تەڭگەدەن 440 تەڭگەگە جەتكەن. بيۋرو دەرەگىنشە, سوڭعى بەس جىلدا بىردە-بىر نەگىزگى ازىق-تۇلىك ارزانداعان.