Елімізде өмірлік қиын жағдайда қалған жұмыссыздарға мемлекеттен қолдау көрсетілмек. Алдағы уақытта олар “жұмысқа орналасу мүмкіндігі” жайлы SMS-хабарламалар ала бастайды, деп хабарлайды Shalqar.kz

Еңбек және халықты әлеуметтік қорғау министрлігінің дерегінше, қазіргі таңда тіркеуде тұрған жұмыссыздардың ішінен 24 790 қазақстандыққа осындай хабарламалар жіберіледі. Бұл тізімге тұрмыстық жағдайы ауыр азаматтар енгізілген.

Хабарлама мәтінінде: “Ұлттық статистикалық бюросымен бірлескен жұмыс шеңберінде республикалық маңызы бар қалалар мен облыс орталықтарының тұрғындарын қоспағанда, азаматтар бір мезгілде 1414 қызметінен ауыл шаруашылығы халық санағын өткізу үшін санақ қызметкері (сұхбаттасушы) ретінде жұмысқа орналасу мүмкіндігі туралы SMS-хабарламалар алады” – деп көрсетілген.

Айта кетсек, ауыл шаруашылығы санағы елімізде 20 қыркүйек пен 20 қазан аралығында өтеді. Санақ әдеттегідей жеке сұхбаттасу әдісі арқылы жүргізіледі және оған арнайы қызметкерлер тартылады.