Elimizde ömirlik qiın jağdayda qalğan jwmıssızdarğa memleketten qoldau körsetilmek. Aldağı uaqıtta olar “jwmısqa ornalasu mümkindigi” jaylı SMS-habarlamalar ala bastaydı, dep habarlaydı Shalqar.kz

Eñbek jäne halıqtı äleumettik qorğau ministrliginiñ dereginşe, qazirgi tañda tirkeude twrğan jwmıssızdardıñ işinen 24 790 qazaqstandıqqa osınday habarlamalar jiberiledi. Bwl tizimge twrmıstıq jağdayı auır azamattar engizilgen.

Habarlama mätininde: “Wlttıq statistikalıq byurosımen birlesken jwmıs şeñberinde respublikalıq mañızı bar qalalar men oblıs ortalıqtarınıñ twrğındarın qospağanda, azamattar bir mezgilde 1414 qızmetinen auıl şaruaşılığı halıq sanağın ötkizu üşin sanaq qızmetkeri (swhbattasuşı) retinde jwmısqa ornalasu mümkindigi turalı SMS-habarlamalar aladı” – dep körsetilgen.

Ayta ketsek, auıl şaruaşılığı sanağı elimizde 20 qırküyek pen 20 qazan aralığında ötedi. Sanaq ädettegidey jeke swhbattasu ädisi arqılı jürgiziledi jäne oğan arnayı qızmetkerler tartıladı.