Almatıda halıqaralıq deñgeydegi jaña futbol stadionı salınbaq. Joba 35 mıñ körermenge eseptelgen jäne UEFA-nıñ 4-sanat talaptarına tolıq säykes keledi, dep habarlaydı Shalqar.kz.

Jaña sporttıq nısan Qwlja men Talğar tas joldarınıñ arasında, şamamen 15 gektar aumaqta boy köteredi. Dizayn jobasında jattığu alañdarı, janküyerlerge arnalğan demalıs aymaqtarı, zamanaui qauipsizdik jüyeleri jäne keñ auqımdı abattandıru jwmıstarı qarastırılğan. Bwl orın bolaşaqta qala üşin kölik-logistikalıq habqa aynalıp, körermender men qonaqtarğa barınşa qolaylı jağday jasamaq.

Qala äkimi Darhan Satıbaldınıñ aytuınşa, Prezidenttiñ tapsırmasına säykes qwrılıs jwmıstarı jedeldetiledi. «Keler jılı qwrılıs-montaj jwmıstarı bastaluğa tiis. 2026 jılı bwl jwmıstardı tolıq qolğa alamız. Sonday-aq, bwl aumaqta metro stanciyasın jäne Almatı logistikalıq habın salu josparda bar», – dedi ol.

Sonımen qatar, Almatı sport tarihınıñ bir böligi bolıp sanalatın 65 jıldan astam tarihı bar Ortalıq stadion saqtalıp, onıñ jeñil atletika infraqwrılımı jañğırtılmaq.